中環後花園特色Cafe😋EverShine主打多款營養健康菜式

中環一向俾人嘅感覺都係商業大廈同上班族，原來仲有特色Cafe小店😯呢間位於中環嘅EverShine，室內係Bar枱，再入多少少會見到內藏一個半露天嘅小小後花園，室外空間有不少花草擺設，喺享受美食飲品嘅同時，可以望下周圍啲小盆栽同綠樹，會感受到一種放鬆同寧靜，即使處於鬧市中，想享受一個迷人嘅午後時光都不再有難度😋Cafe主打多款營養健康菜式，食物嘅整體風格同環境相得益彰，仲會show埋營養資料 (包括卡路里，蛋白質同脂肪) 喺menu到，適合一班追求健康嘅人士👌 紫薯窩夫·焦糖海鹽·雪糕 上檯時會俾佢嘅精緻外觀所吸引，成個小花園咁非常打卡able🤭紫薯窩夫外脆內軟，軟軟哋帶點濕潤，切開時候會感受到少少韌性，入面透住少少溫熱，口感拿捏得啱啱好👈加上濃濃嘅焦糖醬、紫薯番薯片、雪糕球、各式水果... 配料之間嘅融合令味道同顏色非常豐富，多重滋味中會感受到店家嘅用心😆 紅菜頭廣島蠔微辣貝殼粉 紅菜頭係有益嘅super food，作為蔬菜界嘅顏值擔當，紅菜頭用佢好似玫瑰咁亮麗嘅顏色俘虜咗無數人嘅心，加上紅菜頭嘅營養價值係非常高，所以當見到呢款以紅菜頭作為元素嘅貝殼粉已經非試不可了😛 雖然紅菜頭有陣草青味，好多人對佢卻步。不過呢款貝殼粉就冇呢個情況了✔貝殼粉加入微辣辣汁烹製，不但可去除草青味，更令醬汁味道變得可口。粒粒飽滿嘅紅色貝殼粉外型俏皮可愛，形狀有啲似一個碗仔能輕易再盛住啲醬汁❤貝殼粉上面更放咗兩粒廣島蠔，廣島蠔嘅水份通通被鎖住，所以佢即使熟晒都仲係脹卜卜，一咬落去先會感受到香層嘅焦脆香味，而後面係廣島蠔嘅咸香湧出，感覺將廣島蠔嘅鮮全部激發曬出嚟❗ 原味乳酪碗 又係一款養顏又養眼嘅食品✨乳酪質地比較濃稠，乘托力自然能托住頂部嘅食材同出現好似藝術品咁樣嘅效果！ 除咗有唔同水果，仲有紫薯及番薯脆片，厚厚嘅乳酪包裹住水果同脆片層次好豐富😻 (最好喺脆片未被完全浸淋嘅時候食，咁就會有少少外脆內嫩嘅感覺) 由於我哋揀咗原味乳酪，將啲水果撈埋一齊食果味就特別濃💯 蜂蜜芥末雞翼 雞翼嘅芥末味濃郁，配上甜甜地嘅蜂蜜，厚肉惹味，食到lamlan利😂 藍天白雲 係一杯藍螺旋藻加入海鹽、焦糖、香蕉同埋牛奶製成嘅飲品😬奶藍色好治癒，原來係來自藍螺旋藻嘅天然顏色，就好似一座迷你雪山咁，好滿足到我呢啲儀式感愛好者📸入口有淡淡香蕉味道，加上牛奶嘅絲滑，好味又有營養🙋 竹炭鮮奶咖啡 竹碳粉發揮自身"黑色幽默"，化身成杯面上嘅拉花，鮮奶咖啡微苦卻不澀口，散發成熟風味💫 #健康 #中環 #甜品 #乳酪 #上環 #hkig #沙律 #hongkong #好食 #foodhk #相機食先 #hkgirl #hkcafe #hkfood #hkfoodie #打卡 #hkfoodblogger #cafehk #hkfoods #hkfoodig #foodiehk #ighk #ufoodphoto #hkfoodporn #中環街市 #hkbread #hkdessert #desserthk #evershine #breadhk #食勻全世界 (此文章由U Blog 同步發佈至社群)